അച്ഛനില്ലാത്ത പെണ്‍കുട്ടി പുസ്തകം പ്രകാശനം ചെയ്തു
കൊടുവഴങ്ങ ശ്രീനാരായണ ക്ലബ്ബ് & ലൈബ്രറിയുടെ വായന പക്ഷാചാരണം 2026 ന്‍റെ ഭാഗമായി നാട്ടിലെ എഴുത്തുകാരിയായ കെ.വി.സംഗീതയുടെ അച്ഛനില്ലാത്ത പെണ്‍കുട്ടി എന്ന പുസ്തകം സ്റ്റേറ്റ് ലൈബ്രറി കൌണ്‍സില്‍ പ്രസിഡന്റ് ഡോ.ധര്‍മ്മരാജ് അടാട്ട് പ്രകാശനം നിര്‍വഹിച്ചു .മുതിര്‍ന്ന ഗ്രന്ഥശാല പ്രവര്‍ത്തകന്‍ ശ്രീ.കെ.എന്‍ .ഉണ്ണി പുസ്തകം ഏറ്റുവാങ്ങി. പ്രശസ്ത എഴുത്തുകാരൻ ശ്രീ വിനു എബ്രഹാം മുഖ്യാഥിതി ആയിരുന്നു. ലൈബ്രറി പ്രസിഡന്റ് വി.ജി.ജോഷി അദ്ധ്യക്ഷത വഹിച്ചു. നോറ പബ്ലിക്കേഷന്‍ പ്രസാധകയും എഴുത്തുകാരിയുമായ മഞ്ജു ജോജോ പുസ്തക പരിചയം നടത്തി .താലുക്ക് ലൈബ്രറി കൌണ്‍സില്‍ പ്രസിഡന്റ് ടി .വി .ഷൈവിന്‍ സ്വാഗതവും രചയിതാവ് സംഗീത .കെ .വി പ്രതിസ്പന്ദനവും നടത്തി .ഒരു പെണ്‍കുട്ടിയുടെ കണ്ണുനീര്‍ മഷിയിലെഴുതിയ ജീവിതമാണ് ഈ പുസ്തകത്തിന്‍റെ ഇതിവൃത്തം.ലൈബ്രറി നിര്‍വാഹക സമിതി അംഗങ്ങളായ ബിജു.കെ .മാത്യു ,വി .വി .സുതന്‍ ,സി.പി .പ്രവീണ്‍ കുമാര്‍ ,കെ .ബി .ശ്രീജിത്ത്‌ ,ലൈബ്രേറിയന്‍ വിജി ഉണ്ണികൃഷ്ണന്‍ എന്നിവര്‍ സംബന്ധിച്ചു .
