ബാലവേദിയുടെ ആഭിമുഖ്യത്തില് നാട്ടകം – അടുക്കള പുര നാടന് പാചകങ്ങളും അറിവുകളും സംഘടിപ്പിച്ചു.
കുട്ടികളില് താനും സമൂഹത്തിലെ ഒരംഗമാണ് എന്ന ബോധം വരുത്തുവാനും സാമുഹ്യ പ്രതിബദ്ധതയോടെ വളരുവാനും സഹായകമാകും വിധത്തില് കൊടുവഴങ്ങ ശ്രീനാരായണ ക്ലബ്ബ് & ലൈബ്രറിയുടെ ബാലവേദിയുടെ ആഭിമുഖ്യത്തില് നാട്ടകം – അടുക്കള പുര നാടന് പാചകങ്ങളും അറിവുകളും സംഘടിപ്പിച്ചു. താലുക്ക് ലൈബ്രറി കൌണ്സില് സെക്രട്ടറി പി. കെ. രമാദേവി ഉത്ഘാടനം ചെയ്തു. KTDC Rtd. F&B Supervisor ശ്രീ കെ. കെ. ജോസ് ക്ലാസ്സ് നയിച്ചു. ബാലവേദി പ്രസിഡന്റ് മാസ്റ്റര് അഖില് ജോയ് അദ്ധ്യക്ഷത വഹിച്ച യോഗത്തിന് ബാലവേദി സെക്രട്ടറി ദേവികൃഷ്ണ സ്വാഗതവും യുവത പ്രസിഡന്റ് കെ. ബി. ശ്രീജിത്ത് കൃതജ്ഞതയും രേഖപ്പെടുത്തി. യോഗത്തില് വച്ച് സംസ്ഥാന ജൈവ വൈവിധ്യ ബോർഡിന്റെ കുട്ടികളുടെ ജൈവ വൈവിധ്യ കോൺഗ്രസിനോടനുബന്ധിച്ച് വിദ്യാർഥികൾക്കായി നടത്തിയ ഉപന്യാസ രചന മത്സരത്തിൽ സംസ്ഥാന തലത്തിൽ മൂന്നാം സ്ഥാനം കരസ്ഥമാക്കിയ കൊടുവഴങ്ങ ശ്രീനാരായണ ക്ലബ്ബ് & ലൈബ്രറി ബാലവേദി അംഗം കുമാരി ഗൗരി കൃഷ്ണയെ അനുമോദിച്ചു. താലുക്ക് ലൈബ്രറി കൌണ്സില് ജോയിന്റ് സെക്രട്ടറി വി. ജി. ജോഷി, ലൈബ്രറി സെക്രട്ടറി ടി. വി. ഷൈവിന്, കമ്മറ്റി അംഗങ്ങളായ അഖില അശോകന്, കെ. പി. ധര്മ്മേന്ദ്രന് എന്നിവര് നേതൃത്വം നല്കി.
